Քրիստիան Դանիելսոն. Այս օրերին ես անհամբեր սպասում եմ այստեղի քաղաքական կուսակցությունների հետ աշխատելուն
Այս օրերին ես անհամբեր սպասում եմ այստեղի քաղաքական կուսակցությունների հետ աշխատելուն,- այս մասին լրագրողներին հայտնեց Եվրոպական խորհրդի նախագահ Շառլ Միշելի անձնական ներկայացուցիչ Քրիստիան Դանիելսոնը, ով մասնակցելով Վրաստանում Եվրոպական միության միջնորդությամբ անցկացվող քաղաքական երկխոսությանը, գտնվում է Թբիլիսիում:
«Ուրախ եմ, որ կրկին Վրաստանում եմ: Այս օրերին ես անհամբեր սպասում եմ այստեղի քաղաքական կուսակցությունների հետ աշխատելուն: Ես հիմա այլևս ոչինչ չեմ ասի, բայց ես անհամբեր սպասում եմ ձեզ հետ այսօրվա իմ զրույցին», – ասաց Դանիելսոնը:
Դանիելսոնի այցի նպատակը մարտի 1-ին նախագահ Միշելի նախաձեռնած վերսկսված քաղաքական երկխոսությանը ներգրավվելն է բոլոր կողմերի ղեկավարների հետ: Քաղաքական կուսակցությունների հետ երկխոսությանը մասնակցելուց բացի, պարոն Դանիելսոնը կհանդիպի Վրաստանի նախագահ Սալոմե Զուրաբիշվիլիի, Վրաստանի վարչապետ Իրակլի Ղարիբաշվիլիի և քաղաքացիական հասարակության ներկայացուցիչների հետ: Դանիելսոնը Վրաստանում կմնա մինչև մարտի 14-ը: