N17 քրեակատարողական հիմնարկի խոհանոցում բռնկված հրդեհն այս պահին արդեն տեղայնացվել է:

Ինչպես հայտնում են Հատուկ քրեակատարողական ծառայությունից, հրդեհի հետեւանքով այս փուլում օբյեկտի էլեկտրամատակարարումը դադարեցվել է: Նրանց խոսքով, հաստատությունում էլեկտրաէներգիան վերականգնելուն պես բոլոր դատապարտյալներին հնարավորություն կտրվի կապ հաստատել իրենց ընտանիքի անդամների հետ:

«N17 հաստատության խոհանոցում հրդեհը բռնկվել է ժամը 14:20-ի սահմաններում: Նշենք, որ խոհանոցը գտնվում է դատապարտյալների բնակելի շենքից հեռու:

Նաև պարզաբանենք, որ N17 հաստատությունը գտնվում է Ռուսթավիի այլ քրեակատարողական հիմնարկներից (N 5, N 6, N 12, N 16) բավականին հեռու և, հետևաբար, կրակի տարածման վտանգ չկա», – ասացին Քրեակատարողական ծառայությունից: