Հատուկ քրեակատարողական ծառայությունը տեսանյութ է տարածել Վրաստանի նախկին նախագահ Միխեիլ Սաակաշվիլիի մասին։

«Հանրությանը մոլորեցնելու և դատապարտյալ Միխեիլ Սաակաշվիլիի առողջական վիճակի մասին սխալ պատկերացումներ ստեղծելու նպատակով որոշ լրատվամիջոցներ տեսանյութ են տարածել, ըստ որոնց՝ դատապարտյալը չի ​​կարող ինքնուրույն կատարել տարրական ֆիզիկական գործողություններ և շարժվել առանց օգնության։

Կեղծ տեղեկատվական արշավի հնարավոր նպատակը պետության կողմից իբր ոչ պատշաճ արձագանքի միջոցով հասարակական հուզումներ առաջացնելն ու երկրի դրական իմիջին վնաս պատճառելն է։

Հանրությանը օբյեկտիվ իրազեկելու նպատակով հրապարակում ենք մի քանի տեսագրություններ, որոնցից պարզ երևում է, որ տարածված լուրերը չեն համապատասխանում իրականությանը։

Մեկ անգամ ևս հորդորում ենք բոլորին զերծ մնալ ապակողմնորոշիչ, թերի և կտրտված տեղեկատվության շահարկումներից»,- ասացին Քրեակատարողական ծառայությունից։