Քիթ Քելոգի. Մենք դրական զրույց ունեցանք Անդրեյ Էրմակի հետ, ժամանակն է առաջ շարժվել Թրամփի պատերազմի վերաբերյալ հրահանգով. Դադարեցրեք սպանությունները, հասեք խաղաղության, Ամերիկան դրեք առաջին տեղում
ԱՄՆ նախագահ Դոնալդ Թրամփի՝ Ուկրաինայի և Ռուսաստանի հարցերով հատուկ ներկայացուցիչ Քիթ Քելոգը դրական է գնահատել ուկրաինական պատվիրակության հետ հանդիպումը։ Քելոգը այս մասին գրել է X սոցիալական ցանցում։
«Մենք Լոնդոնում դրական զրույց ունեցանք Անդրեյ Երմակի հետ։ Ժամանակն է առաջ շարժվել նախագահ Թրամփի պատերազմի վերաբերյալ հրահանգի համաձայն. դադարեցնել սպանությունները, հասնել խաղաղության և Ամերիկան դնել առաջին տեղում», – գրել է Քելոգը։
Հիշեցնենք, որ ապրիլի 23-ին Լոնդոնում տեղի ունեցավ հանդիպում Ուկրաինայի, ԱՄՆ-ի, Ֆրանսիայի, Գերմանիայի և Մեծ Բրիտանիայի ներկայացուցիչների միջև։ Նախատեսված էր նաև վերոնշյալ երկրների արտաքին գործերի նախարարների հանդիպում, որը, սակայն, հետաձգվեց։