Մեծ Բրիտանիայի վարչապետ Քիր Սթարմերը հայտարարել է, որ Վլադիմիր Պուտինը խոչընդոտում է խաղաղությանը։ Սթարմերը այս մասին խոսել է կառավարության նիստում։

Նա ասել է, որ անհրաժեշտ է հաղթահարել այն սուտը, թե Ռուսաստանը կհաղթի պատերազմում։ Ինչպես նշել է Սթարմերը, Մեծ Բրիտանիան ցանկանում է արդար և երկարատև խաղաղություն։

«Պուտինը խոչընդոտում է արդար և երկարատև խաղաղությանը», – ասել է Սթարմերը։

Մեծ Բրիտանիայի կառավարության ղեկավարի խոսքով՝ անհրաժեշտ է ուժեղացնել Ուկրաինային ցուցաբերվող աջակցությունը և ավելի շատ պատժամիջոցներ կիրառել Ռուսաստանի դեմ։

«Սա հեռավոր հակամարտություն չէ, հեռու Մեծ Բրիտանիայից։ Այն մեզ վրա ազդում է բազմաթիվ մակարդակներում։ Այն վերաբերում է մեր արժեքներին՝ ազատությանը, ժողովրդավարությանը և երկրի՝ իր ապագան որոշելու իրավունքին։ Այս հակամարտության ավարտը հեռահար և երկարատև ազդեցություն կունենա Մեծ Բրիտանիայի վրա, այդ իսկ պատճառով շատ կարևոր է ապահովել արդար և կայուն խաղաղություն։ Ուկրաինան, իր էությամբ, մեր խաղաղության առաջնագծում է, և մենք պետք է հիշենք դա», – ասել է Սթարմերը։