«Եթե նայենք Արեւելյան Եվրոպային, ապա մեր բոլոր հարեւանները ձախողվել են։ Կարծում եմ՝ Սլովակիան հիանալի էր: Վրաստանը նույնպես շատ լավ խաղաց խմբային փուլում։ Ուստի, որպես մրցաշարի գլխավոր հայտնագործություններ կնշեմ Սլովակիան ու Վրաստանը,- ասել է Սլովակիայի հավաքականի նախկին հարձակվող Մարտին Յակուբկոն։

Նրա հետ համամիտ է Գերմանիայի հավաքականի նախկին հարձակվող Կևին Կուրանին, ով Եվրո-2024-ում ամենաշատը զարմացել է Վրաստանի հավաքականից։

«Հիմնական սենսացիան, իհարկե, Վրաստանի ելույթն էր։ Միշտ հիանալի է գտնել թիմեր, որոնք առաջին անգամ են հանդես գալիս խոշոր մրցաշարերում, բայց համարձակ ֆուտբոլ են խաղում և դուրս են գալիս խմբից: Ափսոս, որ Վիլի Սանյոլի թիմը հանդիպում է ամենածանր մրցակցի՝ Իսպանիայի հետ։ Նաև ուրախ եմ Ավստրիայի համար, որը խմբում գերազանց ֆուտբոլ ցուցադրեց»,- ասում է Կուրանին։

Եվրո-2024-ի 1/8 եզրափակչում Վրաստանի հավաքականը հունիսի 30-ին Քյոլնում կհանդիպի Իսպանիայի ընտրանու հետ։ Հանդիպման հեռուստառեպորտաժը կառաջարկի Վրաստանի Առաջին ալիքը 22:50-ից, իսկ Վրաստանի ռադիոն (FM 102.3)՝ ռադիոռեպորտաժը։