Ազգային գնահատման և քննությունների կենտրոնը հունիսի 1-ից կսկսի Քեմբրիջի միջազգային քննությունների (CB PET, CB FCE և CB CAE) համակարգչային տարբերակների գրանցումը։

Դիմորդները կկարողանան գրանցվել մինչև հունիսի 15-ը։

Նշված ժամանակահատվածում չկարողացող թեկնածուների համար ուշացած գրանցումը կսկսվի հունիսի 16-ին և կշարունակվի մինչև հունիսի 17-ի ժամը 16:00-ն։

2026 թվականի հունիսի քննաշրջանի համար թեկնածուները կգրանցվեն առցանց՝ Ազգային գնահատման և քննությունների կենտրոնի կայքում։

Գրանցման գործընթացի ընթացքում թեկնածուն պետք է լրացնի բոլոր պարտադիր դաշտերը և վերբեռնի վճարումը հաստատող կտրոն, ինչպես նաև անձը հաստատող փաստաթուղթ կամ անձնագիր։ Եթե դիմորդը չունի այդ փաստաթղթերը, անհրաժեշտ է վերբեռնել «17 տարեկան կամ ավելի փոքր թեկնածուների համար նույնականացման ձևը»։

Գրանցումը կհամարվի հաջողված, երբ թեկնածուն կենտրոնից կարճ հաղորդագրություն ստանա։

Քննությունների ժամանակացույցը կուղարկվի էլեկտրոնային փոստին՝ ստանդարտ գրանցման ավարտից հետո մեկ շաբաթվա ընթացքում։

Քեմբրիջի միջազգային քննությունների վկայականը վավեր է ցմահ և ճանաչվում է աշխարհի բազմաթիվ համալսարանների և կազմակերպությունների կողմից։

Գնահատման և քննությունների ազգային կենտրոնը կազմակերպում և անցկացնում է Քեմբրիջի միջազգային քննությունները տարեկան երեք անգամ՝ մարտ, հունիս և դեկտեմբեր ամիսներին։

Մանրամասն տեղեկությունների համար տե՛ս հղումը։