Մենք անհանգստացած ենք պարոն Սաակաշվիլիի առողջությամբ և ակտիվորեն հետևում ենք իրավիճակին, այդ թվում՝ Վաշինգտոնում, որպեսզի համոզվենք, որ նրան համապատասխան ուշադրություն է հատկացվում, – լրագրողներին ասել է Վրաստանում ԱՄՆ դեսպան Քելլի Դեգնանը։

Նրա խոսքով, Միխեիլ Սաակաշվիլիի հետ պետք է վարվել Վրաստանի օրենսդրության և մարդու իրավունքների միջազգային պրակտիկայի համաձայն։

«Ես եվրոպական իրավունքի փորձագետ չեմ, բայց մենք կոչ ենք անում Վրաստանի իշխանությանը արդար, անաչառ վարվել պարոն Սաակաշվիլիի հետ՝ Վրաստանի օրենսդրության և մարդու իրավունքների միջազգային պրակտիկայի համաձայն։

Նշենք նաեւ, որ Ուկրաինայի շահերից է բխում Ուկրաինայի քաղաքացիների պաշտպանությունը։ Մենք կոչ ենք անում բժշկական հանրությանը ուշադիր հետևել պարոն Սաակաշվիլիի վիճակին և համապատասխան ծառայություններ մատուցել։

Ես առողջապահության փորձագետ չեմ, բայց ժողովրդական պաշտպանը ևս ասաց, որ այն հիմնարկում, որտեղ գտնվում է Սաակաշվիլին, բացակայում են այն բժշկական միջոցները, որոնք կարող են անհրաժեշտ լինել Սաակաշվիլիին։ Կան բժշկական փորձագետներ, ովքեր ձեզ խորհուրդ կտան արդար և անաչառ մոտեցում ցուցաբերել։ Կարևորը մարդու առողջությունն է՝ ապահովելու համար, որ ցանկացած մարդ ստանա իրեն անհրաժեշտ խնամքը: Դա պետք է առաջնահերթություն լինի»,- ասել է Քելլի Դեգնանը։