Մենք շարունակում ենք ուշադիր հետևել Միխեիլ Սաակաշվիլիի առողջությանը։ Մենք ծանոթ ենք նոր փաստաթղթերին և նրա առողջական վիճակի մասին զեկույցին, որն այժմ հրապարակվել է,- լրագրողներին ասաց ԱՄՆ դեսպան Քելլի Դեգնանը` խոսելով Միխեիլ Սաակաշվիլիի առողջական վիճակի վերաբերյալ «Էմպաթիա» կենտրոնի եզրակացության մասին։

Դեսպանի խոսքով, կարևոր է համապատասխան քայլեր ձեռնարկել, որոնք անհրաժեշտ են Սաակաշվիլիի առողջության և իրավունքների պաշտպանության համար։

«Մենք շարունակում ենք ուշադիր հետեւել Միխեիլ Սաակաշվիլիի առողջությանը։ Մենք ծանոթ ենք նոր փաստաթղթերին և առողջապահական զեկույցին, որն այժմ հրապարակվել է: Դրանց մեծ մասը վրացերեն է, և մենք ծանոթացման փուլում ենք։ Մենք բազմիցս կոչ ենք արել կառավարությանը, իշխանություններին, որ Սաակաշվիլին պետք է համապատասխան բուժօգնություն ստանա և նրա իրավունքները պաշտպանվեն։ Այս փաստաթղթերից հետո է, որ կարևոր է ձեռնարկել համապատասխան քայլեր, որոնք անհրաժեշտ են նրա առողջության և իրավունքների պաշտպանության համար»,- ասել է Քելլի Դեգնանը։