Լրատվամիջոցների ազատությունը կարևոր է ժողովրդավարության զարգացման համար, հատկապես վերջին շրջանում, երբ մենք տեսնում ենք, որ մեդիա տարածքը նեղանում է,- ասել է Վրաստանում ԱՄՆ դեսպան Քելլի Դեգնանը։

Քելլի Դեգնանին հարց է ուղղվել Նիկա Գվարամիայի համաներման վերաբերյալ Վրաստանի նախագահ Սալոմե Զուրաբիշվիլիի հայտարարության մասին, որտեղ Զուրաբիշվիլին նշել է, որ իր ժամանակին կասի «ինչ կլինի և ինչպես կլինի»։

Ինչպես ասել է Դեգնանը, «այս որոշումը լիովին պետք է նախագահը ընդունի»։

«Լրատվամիջոցների ազատությունը կարեւոր է ժողովրդավարության զարգացման համար, հատկապես վերջին շրջանում, երբ տեսնում ենք, որ լրատվական դաշտը նեղանում է։ Ուստի անկախ, ազատ լրատվամիջոցի առկայությունը շատ կարևոր է, որպեսզի բնակչությանը հասանելի լինի ճշգրիտ տեղեկատվությունը և ներկայացված չլինի միայն մեկ ուղղությամբ։ Մենք միշտ կենտրոնանալու ենք կենսունակ, ուժեղ լրատվամիջոցների վրա, քանի որ դա հատկապես կարևոր է ժողովրդավարության կառուցման գործընթացում»,- ասել է Դեգնանը։