Վրաստանում ԱՄՆ դեսպան Քելի Դեգնանի խոսքով՝ ԱՄՆ-ն ուշադիր հետևում է Միխեիլ Սաակաշվիլիի հետ կապված իրավիճակին։

Դեգնանիի խոսքով, «Դա հրատապ իրավիճակ է, քանի որ մեծ մտահոգություն կա ինչպես տեղական, այնպես էլ միջազգային մակարդակով Սահակաշվիլիի առողջության և բարեկեցության վերաբերյալ»:

Նրա խոսքով, ի վերջո, կառավարության պարտականությունն է ապահովել Սաակաշվիլիի բժշկական կարիքների բավարարումը։

«ԱՄՆ-ը շատ ուշադիր հետևում է պարոն Սահակաշվիլիի իրավիճակին։ Գործընթացի ձգձգումն այսօր անսպասելի էր, քանի որ ԱՄՆ-ում, երբ դատավորը պահանջում է որոշակի գործողություններ ձեռնարկել, բոլորն անում են հնարավորը, որպեսզի կատարվի։ Դա հրատապ իրավիճակ է, քանի որ կա մեծ մտահոգություն ինչպես տեղական, այնպես էլ միջազգային մակարդակով պարոն Սահակաշվիլիի առողջության և բարեկեցության վերաբերյալ: Ինչպես նշվեց, ի վերջո, կառավարության պարտականությունն է ապահովել, որ Սաակաշվիլին ստանա իրեն անհրաժեշտ հոգեկան, ֆիզիկական և բժշկական օգնությունը:Հետագա ուշացումը միայն մեծացնում է նրա բարեկեցության վերաբերյալ հարցերն ու մտահոգությունները», – ասաց Քելի Դեգնանը: