Քելլի Դեգնան. Ինչպես նշել է պատժամիջոցների համակարգողը, բարձր ենք գնահատում Վրաստանի պետական գերատեսչությունների հետ համագործակցությունը, նրանք ամեն ինչ անում են ապրանքների հոսքը վերահսկելու համար, սա բարդ խնդիր է
Պատժամիջոցների խմբի կարևոր ուղերձն էր դադարեցնել Ռուսաստան ապրանքների արտահանումը, որոնք օգնում են մարդկանց սպանել մարտի դաշտում,-ասել է Վրաստանում ԱՄՆ դեսպան Քելլի Դեգնանը պատժամիջոցների մասին հարցին ի պատասխան։
Նրա խոսքով, մաքսայինը, եկամուտների ծառայությունը, սահմանապահ ոստիկանությունն ամեն ինչ անում են ապրանքների հոսքը վերահսկողության տակ պահելու և վերահսկելու համար։
«Ինչպես նշել է պատժամիջոցների համակարգողը, մենք կարևորում ենք Վրաստանի պետական գերատեսչությունների հետ ունեցած համագործակցությունը և երկար տարիներ համագործակցում ենք նրանց հետ՝ լինի դա մաքսային, եկամուտների ծառայություն, սահմանային ոստիկանություն, թե այլ։ Ամեն ինչ անում են ապրանքների հոսքը վերահսկողության տակ պահելու, վերահսկելու համար։ Բոլորը հասկանում են, որ սա շատ բարդ խնդիր է։ Ասվեց նաեւ, որ դա մեծ ուշադրություն, զգոնություն է պահանջում։ Պետք չէ ուշադրությունը թուլացնել, երբ կա ցանկություն, ճնշում Ռուսաստանի կողմից՝ իրեն անհրաժեշտ ապրանքները տարբեր ճանապարհներով, այդ թվում՝ հարևան երկրների միջոցով երկիր բերելու համար, և նա միշտ կփորձի դրա համար նոր ուղիներ գտնել։ Դրա համար անհրաժեշտ է ավելի մեծ ուշադրություն, վերահսկողություն, մոնիտորինգ ցուցաբերել»,- ասել է Քելլի Դեգնանը։
