Քելլի Դեգնան. Այն վայրերում, որտեղ ես էի, միջավայրը հանգիստ էր, գործընթացը լավ կազմակերպված էր, կոչ եմ անում բոլորին ապահովել հանգիստ միջավայր, որպեսզի ընտրողները կարողանան անվտանգ քվեարկել
Վրաստանում ԱՄՆ դեսպան Քելլի Դեգնանի խոսքով, ինքը հույս ունի, որ ընտրություններից հետո Վրաստանը կկարողանա ավելի շատ կենտրոնանալ համաճարակի վերահսկման վրա։ Ինչպես լրագրողներին ասել է Դեգնանը, ողբերգություն է, որ համաճարակի սկզբից ի վեր Վրաստանում կորոնավիրուսից մահացածների ընդհանուր թիվը հասել է 10 000-ի։
«Քիչ առաջ ստացա շատ տխուր լուր, որ այսօր Վրաստանում կորոնավիրուսից մահացածների ընդհանուր թիվը հասել է 10 000-ի։ Սա ուղղակի ողբերգական պատմություն է բոլոր վրացիների համար, ովքեր կորցրել են իրենց սիրելի մարդկանց այս շատ վտանգավոր հիվանդության պատճառով, և, կարծում եմ, ողջ երկրի համար, դա մեծ հետընթաց է։ Հուսով եմ, որ այս ընտրություններից հետո Վրաստանը կկարողանա ավելի շատ կենտրոնանալ համաճարակի վերահսկման վրա և նվազեցնել այս ցնցող թվերը։ 10 000 վրացիների մահը ողբերգություն է»,- ասել է Քելլի Դեգնանը։
Նա խոսեց նաև Ռուսթավիում և Կրծանիսիում ընտրական գործընթացի մասին և նշեց, որ իր ներկայության վայրերում իրավիճակը հանգիստ է, գործընթացը լավ կազմակերպված է։
«Ես արտոնություն ունեմ հետևելու Ռուսթավիում և Կրծանիսիում ընտրական գործընթացին։ Սա շատ կարևոր գործընթաց է և հիանալի օր է։ Ուրախ եմ, որ ընտրողները գալիս են տեղամաս և քվեարկում։ Սա մի գործընթաց է, որը հիմնարար է առողջ ժողովրդավարություն կառուցելու համար: Ցանկանում եմ շնորհակալություն հայտնել բոլոր այն աշխատողներին, ովքեր աշխատում են տարածքային և տեղամասային մակարդակներում: Բոլոր այն մարդկանց, ոստիկաններին, ովքեր փորձում են աջակցել հանգիստ ու լավ կազմակերպված միջավայրին։ Ուրախ եմ ձեզ ասել, որ այն միջավայրը, որտեղ ես էի, հանգիստ էր, գործընթացը լավ կազմակերպված և կառավարված էր»,- ասաց Դեգնանը։
Քելլի Դեգնանը կոչ է արել բոլորին ապահովել հանգիստ միջավայր, որպեսզի ընտրողները կարողանան ապահով քվեարկել։
«Ողջ Վրաստանում դեսպանատունն ունի մոտ 70 հոգանոց 26 խումբ, որոնք տարբեր բաներ են տեսնում երկրի տարբեր հատվածներում։ Տեղեկություններ կան լրատվամիջոցների և ընտրությունների դիտորդների վրա հարձակումների մասին, որոնց թույլ չեն տալիս մուտք գործել ընտրատեղամասեր, ինչպես նաև ֆիզիկական բախումներ կուսակցությունների միջև։ Ուղղակի կոչ եմ անում բոլորին ապահովել հանգիստ միջավայր, որպեսզի ընտրողները կարողանան անվտանգ քվեարկել։ Մենք ցանկանում ենք բարձր ակտիվություն, որպեսզի Վրաստանի ղեկավարները հասկանան բնակչության ձայնը, ինչն է կարևոր հասարակության համար։ Ահա թե ինչպես է լավագույնս աշխատում ժողովրդավարությունը։ Հուսով եմ՝ բնակչությունը դուրս կգա։ Կրեք շնչադիմակներ, բայց դուրս եկեք և քվեարկեք», – ասաց Քելլի Դեգնանը:
Նա լրագրողների հետ զրույցում խոսեց նաեւ ընտրական բարեփոխումների մասին։
«Այս ընտրությունները նաև լավ հնարավորություն են տեսնելու, թե որքան լավ է աշխատում անցած ամառ հաստատված ընտրական բարեփոխումը։ Կարծում եմ՝ Կրծանիսին դրա լավ օրինակն է, որտեղ ունենք էլեկտրոնային ընտրություններ։ Անցած ընտրություններին կարծես թե լավ աշխատեցին։ Որոշ զգալի բարելավումներ եղան։ Վերահաշվարկը շատ կարևոր էր ընտրությունների արդյունքների նկատմամբ վստահությունը բարձրացնելու համար։ Ընտրական բարեփոխումների շուրջ բանակցություններ են վարվել Վրաստանի քաղաքական առաջնորդների միջեւ։ Սա շատ հաջող օրինակ էր այն բանի, որ առաջնորդները հավաքվեցին բոլորովին տարբեր կուսակցություններից, երբեմն բավականին հակառակորդ կուսակցություններից, և բարելավեցին օրենքը Վրաստանի ընտրական գործընթացի համար: Ես կասեի՝ նոր կուսակցությունները, փոքր կուսակցությունները չափազանց կարևոր դեր են խաղացել ընտրական գործընթացի բարելավման գործում։ Բարելավումներից շատերը, որոնք լավ են աշխատում, որոշ փոքր կուսակցությունների ղեկավարների աշխատանքի արդյունք են: Կարծում եմ՝ սա ցույց է տալիս այն կարևոր դերը, որ կարող է ունենալ այս կուսակցությունների բազմազանությունը Վրաստանում ընտրական գործընթացի ամրապնդման գործում։ Այսպիսով, յուրաքանչյուր ընտրություններ փոքրիկ քայլ առաջ անելու հնարավորություն է, և ես հուսով եմ, որ սա այն է, ինչ մենք կտեսնենք այսօր և վաղը», – ասաց Քելլի Դեգնանը:
