Մենք այսօր կշարունակենք աշխատել ՅՈՒՆԻՍԵՖ-ի հետ՝ պարզելու, թե երբ կտրամադրվի «Աստրազենեկայի» 43,000 դեղաչափը և համապատասխանաբար կպլանավորենք պատվաստումները: Բայց այլընտրանքային տարբերակ կարող է լինել «Սինոֆարմ» կամ «Սինովակ» պատվաստանյութով նրանց, ովքեր հերթագրվել են առաջին դեղաչափի համար (եթե նրանք համաձայն են և ցանկանում են), – ասաց Հիվանդությունների վերահսկման ազգային կենտրոնի ղեկավար Ամիրան Գամղրելիձեն:

Գամղրելիձեն հերթական անգամ ներողություն է խնդրել բնակչությունից պատվաստումների հետ կապված ստեղծված անհարմարության համար:

«Ես շեշտում եմ, նրանք, ովքեր գրանցվել են և 10-ից 12 շաբաթվա շրջանակներում սպասում են երկրորդ պատվաստմանը, տեղ էին ամրագրել, բոլորը կպատվաստվեն: Մենք մեր ցանցում ունենք «Astrazeneca»-ի մոտ 1600 չափաբաժին: Եվ նրանց համար, ովքեր առաջին պատվաստումից չորս-տաս շաբաթ անց ամրագրումներ են կատարել, խնդրում ենք մի փոքր համբերել, և կրկին ներողություն ենք խնդրում: Նրանց կտրամադրվի լրացուցիչ տեղեկատվություն այն մասին, թե երբ կներկրվի «Աստրազենեկա» պատվաստանյութի 43 000 դոզան», – ասաց Ամիրան Գամղրելիձեն: