Վրաստանը թեկնածու երկիր է, նրանք պարտավորություն են ստանձնել պահպանել ժողովրդավարական չափանիշները և պետք է կատարեն այդ պարտավորությունները, լրագրողներին ասել է Լիտվայի արտաքին գործերի նախարար Կեստուտիս Բուդրիսը Լյուքսեմբուրգում ԵՄ արտաքին գործերի նախարարների հանդիպումից առաջ։

Լրագրողները Բուդրիսին հարցրել են, թե արդյոք Հունգարիայում կատարված փոփոխությունները կարող են առաջ մղել Վրաստանի դեմ պատժամիջոցների հարցը։

«Մենք արդեն ուշացել ենք, մեկ տարուց ավելի է անցել այն բանից, երբ Լիտվան ԵՄ մակարդակով պատժամիջոցներ սկսեց, և սա ճիշտ որոշում կլիներ, ինչպես որ մենք արեցինք ազգային մակարդակով։ Եվ հիմա, մեկ տարի անց, Վրաստանում ժողովրդավարությունն ավելի է անկում ապրում, սա է արդյունքը։ Մենք չափազանց ուշացանք և չափազանց դանդաղեցինք։ Վրաստանը թեկնածու երկիր է։ Նրանք պարտավորություն են ստանձնել պահպանել ժողովրդավարական չափանիշները և պետք է կատարեն այդ պարտավորությունները։ Եթե նրանք պատրաստ չեն դրան, ապա մենք պետք է բարձրացնենք Ասոցացման համաձայնագրի և թեկնածուի կարգավիճակի հարցը», – ասել է Բուդրիսը։