Կենտրոնական ընտրական վարչությունն արձագանքում է Ծալկայի և Թեթրիծղարոյի մունիցիպալիտետներում ընտրական տեղամասերի արդյունքներն անվավեր ճանաչելու վերաբերյալ Թեթրիծղարոյի շրջանային դատարանի որոշմանը։

Նշված որոշմամբ դատավորը վերացրել է Ծալկայի թիվ 25 ընտրատարածքում ընդգրկված 18 ընտրատեղամասի և 26-րդ՝ Թեթրիծղարոյի ընտրատարածքում ընդգրկված 13 ընտրական տեղամասերի արդյունքները։

«Ընտրական վարչությունը չհիմնավորված է համարում Ծալկայի և Թեթրիծղարոյի մունիցիպալիտետների վերոնշյալ ընտրական տեղամասերի արդյունքները չեղարկելու վերաբերյալ Թեթրիծղարոյի շրջանային դատարանի որոշումը։ Բացի այդ, նշված որոշումը ակնհայտորեն հակասում է նույն հարցի վերաբերյալ առաջին ատյանի դատարաններում առկա մյուս բոլոր վեճերին։

Ըստ այդմ՝ նոյեմբերի 4-ին Թեթրիծղարոյի շրջանային դատարանի կայացրած որոշումը կբողոքարկվի Վերաքննիչ դատարան։ Ընտրատարածքային ընտրական հանձնաժողովները օրենքով սահմանված կարգով կներկայացնեն բողոքներ։

Բացի այդ, ընտրական վարչությունն արդեն բողոքարկել է Գորիի շրջանային դատարանի որոշումը Վերաքննիչ դատարան, ըստ որի՝ Գորիի թիվ 32 ընտրատարածքային ընտրական հանձնաժողովին հանձնարարվել է վերահաշվարկել նույն ընտրատարածքի 15 ընտրական տեղամասերի անվավեր քվեաթերթիկները։

Հանրությանը հիշեցնում ենք, որ քվեարկության գաղտնիությունն ապահովվում է հատուկ շրջանակային ձևաթուղթով, որի կիրառումը, ըստ ցուցումների, բացառում է ընտրողի կամքի նույնականացումը։ Քվեաթերթիկի հետևի նշագրերը, եթե այդպիսիք կան, հաշվի առնելով շրջանակի ձևի նպատակը, չեն կարող համարվել կամքը նույնացնող: Հարկ է նշել նաև, որ այս հարցով քվեարկության օրը և հաջորդ օրը ներկայացվել է ընդամենը 7 բողոք, և որևէ միջազգային կազմակերպության եզրակացությամբ չի հաստատվել ընտրությունների գաղտնիության խախտումը»,- ասացին ԿԸՀ-ից։