Կենտրոնական ընտրական հանձնաժողովի նախնական տվյալների համաձայն՝ Կախա Կալաձեն հաղթում է Թբիլիսիի քաղաքապետի ընտրություններում՝ 71.5 տոկոս։ Կախա Կալաձեն ընտրվել է մայրաքաղաքի քաղաքապետ երրորդ ժամկետով։

ԿԸՀ-ի տվյալներով՝ մայրաքաղաքում հաշվարկվել է 584 տեղամասերից 572-ը, որը կազմում է ընդհանուր տեղամասերի 97.94 տոկոսը։

ԿԸՀ-ի տվյալներով՝ Թբիլիսիի քաղաքապետի թեկնածուների միջև ձայները բաշխվել են հետևյալ կերպ

Կախա Կալաձե՝ 71.55%, 210 280 ձայն

Իրակլի Կուպրաձե՝ 12.45%, 36,612 ձայն

Յագո Խվիչիա՝ 7.52%, 22,122 ձայն

Զուրաբ Մախարաձե – 4.12%, 12 110 ձայն։

Թբիլիսիի քաղաքապետի ընտրություններում գրանցվել է քաղաքապետի ինը թեկնածու։

Բացի այդ, Կենտրոնական ընտրական հանձնաժողովի նախնական տվյալների համաձայն, «Վրացական երազանք» կուսակցությունը Թբիլիսիի քաղաքային խորհրդի ընտրություններում ստացել է ձայների 70.15 տոկոսը։ Նախնական տվյալների համաձայն, «Վրացական երազանք» կուսակցությունը հաղթել է բոլոր շրջանների տեղական ինքնակառավարման մարմինների ընտրություններում։