Վրաստանի դատախազությունը, կենդանիների խոշտանգումների և դաժան վերաբերմունքի փաստերը կանխելու և այդ հանցագործության վերաբերյալ քրեական իրավունքի քաղաքականությունը խստացնելու նպատակով, խորհրդարանի հետ միասին մշակել է օրենսդրական փոփոխությունների նախագիծ։

Քննչական գերատեսչության տեղեկություններով՝ փոփոխությունը նախատեսում է խստացնել պատիժը կենդանիների նկատմամբ խոշտանգումների և դաժան վերաբերմունքի համար, ինչը կնպաստի նմանատիպ հանցագործությունների կանխարգելմանը։

«Նշենք նաև, որ Վրաստանի դատախազությունը տեղեկատվական արշավ է սկսում կենդանիների նկատմամբ դաժան վերաբերմունքի հանցագործության դեմ պայքարի համար, որի նպատակն է բարձրացնել հանրային իրազեկությունը և կանխել այս հանցագործությունը։

Քարոզարշավի շրջանակներում Վրաստանի տարբեր շրջաններում և քաղաքներում կանցկացվեն տեղեկատվական հանդիպումներ հասարակության ներկայացուցիչների հետ՝ շահագրգիռ պետական ​​և հասարակական կազմակերպությունների հետ»,- հայտնել են դատախազությունից։