ԿԸՀ նախագահը Ճապոնիայի դեսպանին տեղեկացրել է ընթացիկ ընտրական հարցերի մասին
Կենտրոնական ընտրական հանձնաժողովի նախագահ Գիորգի Կալանդարիշվիլին շարունակում է հանդիպումները Վրաստանում հավատարմագրված դիվանագիտական կորպուսի ներկայացուցիչների հետ։ Տեղեկությունը տարածում է ԿԸՀ-ն։
Այս անգամ Գիորգի Կալանդարիշվիլին հանդիպել է Վրաստանում Ճապոնիայի դեսպան Իմամուրա Ակիրային և նրան տեղեկացրել ընտրական ընթացիկ հարցերի մասին։
«Ընտրական գործընթացում էլեկտրոնային տեխնոլոգիաների ներդրումը եղել է հանդիպման ընթացքում կողմերի քննարկած հիմնական թեման։ Զրույցի ընթացքում անդրադարձ է եղել նաև ապրիլի 29-ին նախատեսված միջանկյալ/արտահերթ ընտրությունների նախապատրաստական գործընթացին։ Կենտրոնական ընտրական հանձնաժողովի նախագահը դեսպանին մանրամասն տեղեկատվություն է տրամադրել այն կարևոր տեխնոլոգիական նորամուծությունների մասին, որոնք վարչակազմը նախատեսում է նշված ընտրությունների համար»,- ասված է հրապարակված տեղեկատվության մեջ։