Կենտրոնական ընտրական հանձնաժողովի նախագահ Գիորգի Կալանդարիշվիլին ներկայացրել է Վրաստանի խորհրդարանի և Բաթումի սակրեբուլոյի միջանկյալ ընտրությունների նախնական արդյունքները։

Կալանդարիշվիլիի խոսքով՝ Բաթումիի, Ռուսթավիի և Գարդաբանիի բոլոր ընտրատեղամասերը հաշվվել են։

«Ես ձեզ կտեղեկացնեմ ընտրությունների նախնական արդյունքների մասին՝ հաշվվել են Բաթումիի բոլոր 14 ընտրատեղամասերի տվյալները։ №5 Մաթե Փուտկարաձե «Միացյալ ազգային շարժում»՝ 3244 ձայն՝ 30,98%, №41 Ռամազ Ջինճարաձե «Վրացական երազանք – դեմոկրատական ​​Վրաստան»՝ 7225 ձայն՝ 69,01%։

Ռուսթավիում և Գարդաբանիում հաշվված են բոլոր 121 ընտրատեղամասերի տվյալները։ №34 Մամուկա Տուսկաձե «Մամուկա Տուսկաձե՝ հանուն սոցիալական արդարության»՝ 2634 ձայն՝ 6,95%, №41 Իրակլի Շատակիշվիլի «Վրացական երազանք – դեմոկրատական ​​Վրաստան»՝ 34,333 ձայն, 90,61%, №59 Կամալ Մուրադխանով «Վրացական միասնություն և զարգացում կուսակցություն» 923 ձայն, 2,43 տոկոս»,- ասել է Գիորգի Կալանդարիշվիլին։