Ընտրատարածքային հանձնաժողովները բողոքի հիման վրա վերահաշվարկել են ևս 15 ընտրատեղամասերի տվյալները։ Բողոքների հիման վրա ընտրատեղամասերի տվյալների վերահաշվարկի մասին տեղեկությունը տրամադրել է Կենտրոնական ընտրական հանձնաժողովի մամուլի խոսնակ Նաթիա Իոսելիանին։

Ինչպես նշել է Իոսելիանին, վերահաշվարկի պահանջով բողոքները ներկայացվել են հիմնականում հետևյալ տեղական դիտորդական կազմակերպությունների կողմից՝ Վրաստանի երիտասարդ իրավաբանների ասոցիացիա, Արդար ընտրությունների և ժողովրդավարության միջազգային միությունը և «Միջազգային թափանցիկություն Վրաստանը»:

«Վերոնշյալ կազմակերպությունների կողմից վերահաշվարկի պահանջով դիմում-բողոքներ են ներկայացվել ընդհանուր առմամբ 42 ընտրատեղամասերի հետ կապված։ Այստեղից ԿԸՀ դիմումի հիման վրա վերահաշվարկվել են երեք ընտրատեղամասեր, որտեղ տեսաձայնագրություններ չեն եղել, մինչ բողոքները քննարկելը։ Վերահաշվարկի արդյունքում վերոնշյալ ընտրատեղամասերում արդյունքները մնացել են անփոփոխ։ Վերահաշվարկները չեն ազդել երկրորդ փուլի նախնական արդյունքների վրա»,- ասել է ԿԸՀ ներկայացուցիչը։

Նրա խոսքով, ընդհանուր առմամբ, ընտրությունների երկրորդ փուլում հաշվարկվել են 274 ընտրատեղամասերի տվյալները։

«Ահա բողոքների վերաբերյալ մանրամասն վիճակագրությունը. ընդհանուր առմամբ ներկայացվել է 139 բողոք՝ վերահաշվարկի/անվավերության/արդյունքների վերանայման պահանջով։ Դրանցից ըստ քաղաքական կուսակցությունների՝ 73, իսկ դիտորդական կազմակերպությունների կողմից՝ 66: Դրանցից բավարարվել են ութը, մասամբ բավարարվել է 19, չի բավարարվել՝ 83, առանց քննարկման է մնացել 28-ը և քննարկվում է մեկը։

Բողոքների մասին տեղեկացնենք նաև՝ քվեարկության օրը և հաջորդող ժամանակահատվածում ընտրատարածքային հանձնաժողովներին ներկայացվել է ընդհանուր առմամբ 492 բողոք։ Դրանցից 62-ը բավարարվել է, 36-ը` մասամբ, 297-ը չի բավարարվել, 51-ը մնացել է չքննարկված, չորս բողոք հետ են վերցրել, 42-ը գտնվում է քննարկման փուլում»,- ասաց Նաթիա Իոսելիանին։