Կայուն, արդար և արդյունավետ սոցիալական պաշտպանության համակարգ ստեղծելու նպատակով Առողջապահության նախարարության նախաձեռնությամբ, Վրաստանի խորհրդարանի, Եվրամիության և եվրոպացի գործընկերների աջակցությամբ, 2020 թվականից սկսվել են «Սոցիալական օրենսգրքի» մշակման աշխատանքները,- այս մասին հայտարարել է առողջապահության նախարար Էկատերինե Տիկարաձեն։

Էկատերինե Տիկարաձեի խոսքով, սոցիալական օրենսգիրքը կլինի սոցիալական պաշտպանության համակարգի հիմնական իրավական փաստաթուղթը, որը հիմք կհանդիսանա մարդու կյանքի բոլոր փուլերում կարիքներին համապատասխան աջակցության համար։

Նախարարի խոսքով՝ կվերլուծվեն առկա մարտահրավերները և կբացահայտվեն համակարգում առկա բաց խնդիրները։ Դրանից հետո կպատրաստվեն առաջարկներ սոցիալական պաշտպանության համակարգի բարելավման և զարգացման ուղղությամբ՝ ինչպես օրենսդրական մակարդակով, այնպես էլ ինստիտուցիոնալ կարգավորումների առումով։ Ըստ Տիկարաձեի, արդյունքը կլինի կայուն սոցիալական պաշտպանության համակարգը, որը ներառում է աջակցության միջոցներ մարդու կյանքի բոլոր փուլերում։