Դուբայում կայացել է Վրաստանի և Արաբական Միացյալ Էմիրությունների միջև համապարփակ տնտեսական համագործակցության համաձայնագրի շուրջ բանակցությունների երկրորդ փուլը։ Վրաստանի կողմից բանակցությունները վարել է էկոնոմիկայի և կայուն զարգացման փոխնախարար Գենադի Արվելաձեն։

Ըստ էկոնոմիկայի նախարարության մամուլի ծառայության, կողմերը բանակցություններ են վարել ապրանքների և ծառայությունների առևտրի ազատականացման, ինչպես նաև համագործակցության այնպիսի ուղղությունների շուրջ, ինչպիսիք են մաքսային և ծագման կանոնները, մտավոր սեփականության իրավունքները, փոքր և միջին ձեռնարկատիրության խթանումը, տեխնիկական խոչընդոտները առևտրում և այլն։

«Հարկ է նշել, որ համաձայնագրի տեքստի շուրջ ընթացող բանակցությունների շրջանակներում կողմերի միջեւ զգալի առաջընթաց է ձեռք բերվել։ Նաև հաջորդ փուլը նախատեսվում էր անցկացնել Վրաստանում 2023 թվականի մարտին։

Վրաստանի և Արաբական Միացյալ Էմիրությունների միջև ազատ առևտրի համաձայնագրի շուրջ բանակցությունների առաջին փուլն անցկացվել է Թբիլիսիում այս տարվա սեպտեմբերի 26-28-ը։ Տնտեսական, առևտրային և ներդրումային հարաբերությունները խթանելու նպատակով դեռ 2020 թվականի դեկտեմբերին երկու երկրների էկոնոմիկայի նախարարները որոշում են կայացրել բանակցություններ սկսել ազատ առևտրի համաձայնագրի շուրջ, իսկ 2022 թվականի մայիսի 9-ին ստորագրվել է «Համապարփակ տնտեսական գործընկերության մասին համաձայնագիրը Վրաստանի և Արաբական Միացյալ Էմիրությունների միջև» ,- ասված է Էկոնոմիկայի նախարարության տեղեկատվության մեջ։