ՆԳՆ-ն անցկացրել է մանկական տարիքում ամուսնության դեմ արշավի եզրափակիչ միջոցառումը՝ «Մի՛ խլիր մանկությունը»։ Միջոցառումը բացվել է Ներքին գործերի փոխնախարար Ալեքսանդր Դարախվելիձեի և ՄԱԿ-ի Բնակչության հիմնադրամի Վրաստանի գրասենյակի ղեկավար Լելա Բաքրաձեի ողջույնի խոսքով։

Վրաստանի ՆԳՆ մամուլի ծառայությունից հայտնում են, որ քարոզարշավի եզրափակիչ միջոցառմանը հրավիրված են եղել կառավարական և ոչ կառավարական հատվածի, տեղական և միջազգային կազմակերպությունների ներկայացուցիչներ: Միջոցառմանը հրավիրված հյուրերը տեղեկացվել են քարոզարշավի շրջանակներում ՆԳՆ-ի կողմից իրականացվող բոլոր աշխատանքների մասին։

Եզրափակիչ միջոցառմանը հայտարարվել են արշավի շրջանակներում հայտարարված մրցույթի հաղթողները, որոնց շնորհվել են համապատասխան մրցանակներ։

«Մի՛ խլիր մանկությունը» արշավն իրականացվել է ՄԱԿ-ի Բնակչության հիմնադրամի (UNFPA) Վրաստանի գրասենյակի հետ համատեղ՝ նպատակ ունենալով վերացնել մանկական ամուսնությունները, բարձրացնել հասարակության իրազեկվածությունը այս խնդիրների վերաբերյալ և ժամանակին տեղեկացնել իրավապահներին։

Տեղեկատվական քարոզարշավը մեկնարկել է հունիսի 1-ին՝ Երեխաների պաշտպանության միջազգային օրը, և տևել է մեկ ամիս։

Քարոզարշավի շրջանակներում պատրաստվել են տեղեկատվական տեսահոլովակներ, հայտարարվել է նկարչական մրցույթ, պատրաստվել բրենդային նվերներ, որոնք բաժանվել են հանդիպումների մասնակիցներին և տարբեր քաղաքապետարաններում բնակվող քաղաքացիներին։

Քարոզարշավի ընթացքում SMS համակարգի միջոցով իրականացվել է բնակչության զանգվածային տեղեկատվություն մանկական ամուսնության հանցագործությունների վերաբերյալ ոստիկանություն հայտնելու եղանակների մասին։