Եվրամիությունը կրճատելու է Վենետիկի բիենալեի ֆինանսավորումը՝ Ռուսաստանի ցուցահանդես վերադառնալու պատճառով: Այս մասին հայտարարել է ԵՄ գերագույն ներկայացուցիչ Կայա Կալասը Լյուքսեմբուրգում լրագրողների հետ զրույցի ժամանակ:

Եվրամիության որոշմանը նախորդել է ԵՄ-ի կողմից ռուս նկարիչներին արվեստի տոնավաճառին կրկին մասնակցելու թույլտվություն տալու որոշումը՝ ռուս-ուկրաինական պատերազմի սկսվելուց հետո:

2026 թվականի բիենալեն կանցկացվի մայիսի 9-ից մինչև նոյեմբերի 22-ը, որտեղ ներկայացված կլինի նաև ռուսական տաղավարը:

«Ռուսաստանը ռմբակոծում է թանգարանները, ոչնչացնում եկեղեցիները և փորձում է ջնջել ուկրաինական մշակույթը, նրան չպետք է թույլատրվի ցուցադրել իր սեփական մշակույթը: Ռուսաստանի վերադարձը Վենետիկի բիենալե բարոյապես սխալ է, և ԵՄ-ն նախատեսում է կրճատել ֆինանսավորումը», – նշել է Կալասը:

Ինչպես հայտնի է, Վենետիկի բիենալեն պետք է Եվրամիությունից ստանար մոտ երկու միլիոն եվրո երեք տարվա ընթացքում: Հենց այդ միջոցների մասին էր Կալասը հայտարարել կրճատման մասին, չնայած հայտնի չէ, թե որքան գումար է քննարկվում հիմա:

Իրենց հերթին, Բիենալեի կազմակերպիչները խնդիր չեն տեսնում Ռուսաստանի վերադարձի հետ կապված և նշում են, որ ֆորումը մնում է երկխոսության տարածք, որտեղ արվեստը առանձնացված է քաղաքականությունից։