Իսրայելի ցամաքային հարձակումը Գազայում կվատթարացնի իրավիճակը, Եվրահանձնաժողովը վաղը կներկայացնի միջոցներ՝ Իսրայելի նկատմամբ ճնշում գործադրելու համար, – այս մասին գրել է Եվրամիության արտաքին քաղաքականության և անվտանգության հարցերով բարձր ներկայացուցիչ Կայա Կալասը։

«Իսրայելի ցամաքային հարձակումը Գազայի վրա կվատթարացնի արդեն իսկ գոյություն ունեցող իրավիճակը։ Սա կնշանակի ավելի շատ զոհեր, ավերածություններ և բռնի տեղահանվածներ։ Վաղը Եվրահանձնաժողովը կներկայացնի քայլեր՝ իսրայելական կառավարության վրա ճնշում գործադրելու համար՝ նրանց քաղաքականության փոփոխությունը խթանելու նպատակով։ Առևտրային արտոնությունների դադարեցումը և ծայրահեղական նախարարների նկատմամբ պատժամիջոցների սահմանումը հստակ ուղերձ կլինի, որ ԵՄ-ը պահանջում է այս պատերազմի ավարտը», – գրել է Կալասը։