Իսրայելի արձագանքը չափազանց կոշտ էր, Լիբանանի ինքնիշխանությունն ու տարածքային ամբողջականությունը պետք է հարգվեն, ասել է Եվրոպական Միության գերագույն ներկայացուցիչ Կայա Կալասը։

Ըստ Կալասի, դիվանագիտությունը լավագույն միջոցն է Լիբանանի քաոսի մեջ ընկղմվելը կանխելու համար։

«Հեզբոլլահի՝ Իրանին աջակցելու Իսրայելի վրա հարձակվելու որոշումը սպառնալիք է ներկայացնում ամբողջ տարածաշրջանի համար և ավելի է սրում հակամարտությունը։ Միջազգային իրավունքի համաձայն՝ Իսրայելն ունի ինքնապաշտպանության իրավունք։ Միևնույն ժամանակ, Իսրայելի արձագանքը չափազանց կոշտ էր։ Նրանց պատասխան գործողությունները հանգեցնում են բնակչության զանգվածային տեղահանման և ավելի են սրում արդեն իսկ փխրուն իրավիճակը», – ասել է Կալասը։

ԵՄ գերագույն ներկայացուցիչը նշել է, որ Լիբանանի ինքնիշխանությունն ու տարածքային ամբողջականությունը պետք է հարգվեն։