«Բերքահավաք 2024» համակարգող շտաբի կազմակերպմամբ «Հարվեստ Մենեջմենթ Քամփնի» ՍՊԸ-ն օգոստոսի 23-ից 24-ը Կախեթիի շրջան հասած ուժեղ կարկուտի և քամու հետևանքով վնասված խաղողի օպերատիվ հանձնումն է սկսել։ Այս մասին տեղեկություն է տարածում գյուղատնտեսության նախարարությունը։

Գործակալության տվյալներով՝ ընկերությունը հավաքել է Ղվարելիի, Թելավիի և Ախմեթի մունիցիպալիտետներում մթերված խաղողը Թելավի և Ղվարելի համայնքների 2 տեղամասերում։ Խաղողագործները 1 կգ վնասված խաղողը հանձնել են 1.00 լարիով։

«Օգոստոսի 30-ի դրությամբ ընդհանուր առմամբ վերամշակվել է 1800 տոննա խաղող։ Տեղեկության համար՝ օգոստոսի 23-ին Կախեթիի շրջանում տեղի ունեցած տարերային աղետը վնասել է գյուղատնտեսական տարբեր մշակաբույսեր, այդ թվում՝ խաղող։ Նախնական տվյալներով՝ կարկտահարությունից տուժել է ավելի քան 120 հեկտար գյուղատնտեսական ցանքատարածություններ։

2024 թվականին խաղողի կանխատեսվող բերքը կազմում է 300 հազար տոննա։ Ընդհանուր առմամբ, բերքահավաքի ընթացքում խաղողի վերամշակմամբ կզբաղվեն ավելի քան 500 գինեգործական ձեռնարկություններ։ Մոտ 200 գինեգործական ձեռնարկություն արդեն գրանցվել է խաղողի բերքահավաքի համակարգման շտաբում՝ խաղողի բերքը վերամշակելու պատրաստակամության խնդրանքով»,- ասվում է Գյուղատնտեսության նախարարության տարածած տեղեկատվության մեջ։