Վրաստանի խորհրդարանի նախագահ Կախա Կուճավան որոշել է հրաժարական տալ,- այս մասին հայտարարել է «Վրացական երազանքի» նախագահ Իրակլի Կոբախիձեն։

Նրա խոսքով՝ Շալվա Պապուաշվիլին կզբաղեցնի խորհրդարանի նախագահի պաշտոնը։

«Կախա Կուճավան հրաժարականի որոշում է կայացրել։ Որոշման պատճառն ինքնին հասկանալի է. «Վրացական երազանք» քաղաքական թիմի անունից ցանկանում եմ շնորհակալություն հայտնել նրան շատ դժվարին ժամանակաշրջանում որպես խորհրդարանի նախագահ իր շատ արժանի աշխատանքի համար։ Որոշումը հիասթափեցնող է ողջ թիմի համար, սակայն մենք հարգում ենք այդ որոշումը։ Ըստ այդմ՝ որոշումն ընդունվել է կուսակցության քաղխորհրդի կողմից։

Բնականաբար, Կախան մնում է մեր քաղաքական թիմի ղեկավարներից և կուսակցության քաղխորհրդի անդամ, նա աշխատելու է շատ կարևոր պետական ​​նախագծի վրա, որի մասին ավելի ուշ կկիսվենք մանրամասն տեղեկություններով։

Կուսակցության քաղաքական խորհրդի և խորհրդարանական մեծամասնության որոշմամբ՝ Շալվա Պապուաշվիլին կառաջադրվի Վրաստանի խորհրդարանի նախագահի պաշտոնում»,- ասել է Իրակլի Կոբախիձեն։

Ինչ վերաբերում է Կրթության և գիտության խորհրդարանական հանձնաժողովի նախագահի պաշտոնումՇալվա Պապուաշվիլիի փոխարինողին, Կոբախիձեն ասել է, որ կուսակցության քաղխորհրդի և խորհրդարանական մեծամասնության որոշմամբ այդ պաշտոնում կառաջադրվի Գիորգի Ամիլախվարին։

«Մինչ այժմ Գիորգին զբաղեցնում էր այս կոմիտեի նախագահի առաջին տեղակալի պաշտոնը և նա ունի շատ լայն փորձ կրթության և գիտության ոլորտում։ Համապատասխանաբար: Մեր կարծիքով, նա այլընտրանքային թեկնածու է այս պաշտոնի համար, հաջողություն եմ մաղթում Գիորգիին»,- ասել է Կոբախիձեն։

Նրա խոսքով՝ կուսակցության քաղխորհրդում կավելանան Անրի Օխանաշվիլին և Իրակլի Չիքովանին։