Ուկրաինայի վարչապետի հետ հանդիպմանը երկու կողմերն էլ ընդգծեցին, որ ոչ ոք, ներառյալ նախկին նախագահը, չի կարող պատճառ հանդիսանալ մեր երկրների միջև հարաբերությունների վատթարացման համար, – ասաց Վրաստանի խորհրդարանի նախագահ Կախա Կուճավան՝ Ուկրաինայի վարչապետ Դենիս Շմիգալի հետ հանդիպումից հետո:

Կուճավայի խոսքով, ի թիվս այլ թեմաների, հանդիպմանը քննարկվել է Վրաստանի նախկին նախագահ Միխեիլ Սաակաշվիլիի հարցը:

«Մենք շոշափեցինք այն հարցը, որը հետաքրքրում է բոլորին: Խոսքը Միխեիլ Սաակաշվիլիի մասին է, այսպես ասած, Ուկրաինայից ներխուժելու մասին: Սա մի պահ է, որն իսկապես անհարմարություն է ստեղծում երկու երկրների միջև: Նրանք չգիտեին նրա ծրագրերի մասին՝ ապօրինի կերպով անցնել Ուկրաինայի, ինչպես նաեւ Վրաստանի սահմանները եւ ընդհանրապես, ստեղծված անհարմար իրավիճակը: Մեկ անգամ ևս երկուստեք հստակ ընդգծվեց, որ ոչ մի անձ, այդ թվում՝ նախկին նախագահը, երբեք չի կարող լինել պատճառ և հիմք, որ մեր երկրների միջև հարաբերությունները փոքր-ինչ վատանան», – ասաց Կախա Կուճավան հանդիպումից հետո: