Կիևում գտնվելուս պատճառը Սաակաշվիլին չէ, մենք կանդրադառնանք նաև այդ հարցին, բայց արտահանձնման մասին խոսք չի լինի, – ասել է պաշտոնական այցով Ուկրաինայում գտնվող Վրաստանի խորհրդարանի նախագահ Կախա Կուճավան:

Կախա Կուճավայի խոսքով, Միխեիլ Սաակաշվիլին խախտել է ինչպես Ուկրաինայի, այնպես էլ Վրաստանի սահմանների ապօրինի հատման օրենքը:

«Կիեւում գտնվելու պատճառը բոլորովին այլ է, ես ներկա եմ արարողությանը: Բնականաբար, մենք կանդրադառնանք նաեւ այս հարցին, սակայն արտահանձնման մասին խոսք չի լինի, հատկապես իմ կողմից: Համապատասխան գերատեսչությունները կհամագործակցեն այս հարցում: Այնուամենայնիվ, մենք շատ լավ գիտենք, որ խոսքը դատապարտյալի մասին է, ով այս պահին ընդհանրապես մի կողմ դնելով հին գործերը, ուղղակիորեն խախտել է օրենքը և՛ մեկ երկրի, և՛ մյուս երկրի սահմանների անօրինական հատման վերաբերյալ: Այնպես որ, ավելորդ է խոսել քաղաքական բանտարկության կամ նման բաների մասին: Մնացածը կորոշեն կողմերը:

Փաստն այն է, որ Սաակաշվիլիի ներխումը Վրաստան նպատակ ուներ անկարգություններ ստեղծել, սա է իրականությունը, դա կանխվեց, այսօր նա կրում է իր պատիժը: Փաստաբաններն իրավունք ունեն պաշտպանել իրենց իրավունքները, դատական ​​համակարգը բացարձակ թափանցիկ է, և բոլորը կտեսնեն, թե ինչպես կզարգանա գործընթացը», – ասաց Կախա Կուճավան:

Կուճավան միաժամանակ պատասխանեց լրագրողների այն հարցին, թե արդյոք Սաակաշվիլիի գործը որեւէ կերպ կազդի Վրաստանի եւ Ուկրաինայի հարաբերությունների վրա:

«Վրաստանը և Ուկրաինան ռազմավարական գործընկերներ են, մենք ունենք բազմաթիվ ծրագրեր, թե ինչպես համատեղ իրականացնել մեր և Եվրամիության միջև Ասոցացման համաձայնագրով նախատեսված բարեփոխումները: Սա հենց այն է, ինչ մեզ միավորում է այս փուլում համագործակցության առումով և շատ ավելին, ինչպիսիք են օկուպացված տարածքները, ընդհանուր թշնամին և շատ ավելին: Մեկ անձը չի կարող այս երկու բարեկամ երկրների միջև բախման պատճառ լինել», – ասաց Կախա Կուճավան: