Թբիլիսիի քաղաքապետ Կախա Կալաձեի խոսքով, կարեւոր չէ, թե Լեւան Խաբեիշվիլին կմնա «Ազգային շարժման» ղեկավարի պաշտոնում, քանի որ այս կուսակցության ներկայացուցիչները դատապարտված են ձախողման։

«Ես չգիտեմ նրանց վիճաբանության թեման։ Այսօր Լեւան Խաբեիշվիլին «Ազգային շարժման» առաջնորդն է։ Ի դեպ, ես նրան աջակցել եմ կուսակցության նախագահի ընտրություններում։ Մի բան պարզ է, որ մենք գիտենք, թե ով է եղել արմատականության, չարության, այն դժբախտության արարիչը, որը տեղի է ունեցել երկրում մինչև 2012 թվականը։ Այս քաղաքական կուսակցություններն ու նրանց ներկայացուցիչները ապագա չունեն, նրանք դատապարտված են ձախողման։ Ցավոք, մեր երկրի բնակչության զգալի մասն իր վրա է ապրել այդ դժբախտությունը, հետևաբար, բնակչությունը երբեք չի վերադառնա անցյալ»,- ասել է Կախա Կալաձեն։

Ըստ նրա՝ հաջորդ ընտրությունների համար ընդդիմության համախմբումը ոչինչ չի փոխի, քանի որ նրանք նույն գաղափարախոսության կրողներ են։

«Նրանք մի հավատքի մարդիկ են։ Ժամանակին նրանք մեկ կոնկրետ թեւի՝ Սաակաշվիլիի միավորման տակ էին, հետո բաժանվեցին, ստեղծեցին իրենց կուսակցությունները, թե ինչպես են մասնակցելու ընտրություններին՝ առանձին, թե միասնական, դա ոչինչ չի փոխում»,- նշել է Կախա Կալաձեն։