Մայրաքաղաքի քաղաքապետ Կախա Կալաձեն ներկայացրել է Թբիլիսիի բոլոր տասը շրջանների գամգեբելիների թեկնածուներին։ Նրանցից վեցը մինչ այժմ գամգեբելիի պաշտոնակատար են, իսկ չորսը առաջին անգամ կզբաղեցնեն այդ պաշտոնը։

Կախա Կալաձեի խոսքով՝ Սաբուրթալո շրջանի թեկնածուն կլինի Գայոզ Վասաձեն, Մթածմինդայի շրջանում կլինի՝ Դավիթ Կիրկիտաձեն, Կրծանիսիում՝ Բեքա Միքաուտաձեն, Վակեում՝ Դավիթ Կվինիկաձեն, Գլդանիում՝ Լևան Նարուշվիլին, Սամգորիում՝ Կախա Սամխարաձեն։

Մայրաքաղաքի քաղաքապետը Չուղուրեթիի շրջանի գամգեբելիի պաշտոնում սակրեբուլոյին առաջադրել է Դավիթ Ութմելիձեի թեկնածությունը, ով սակրեբուլոյի նախորդ գումարման անդամ էր։ Քաղաքային խորհրդի նախկին անդամ է նաև Վլադիմիր Ձնելաձեն, որին Կախա Կալաձեն առաջադրել է որպես Դիդուբեի շրջանի գամգեբելիի թեկնածու։

Ինչ վերաբերում է Իսանի և Նաձալադևի շրջաններին, ապա այստեղ մայրաքաղաքի քաղաքապետը ընտրություն է կատարել նախկինում աշխատող անձնակազմի վրա։ Իսանիում նա առաջադրել է Նիկոլոզ Էլիսաշվիլիին, ով մի քանի տարի տարբեր պաշտոններ է զբաղեցրել գամգեոբայում, իսկ Իրակլի Անդղուլաձեին, ով նախկինում փոխգամգեբելի էր, Նաձալադևիում:

Թբիլիսիի կառավարությունը վաղը կհաստատի քաղաքային խորհուրդը։