Թբիլիսիի քաղաքապետ Կախա Կալաձեն հանդիպել է Georgian Water and Power (GWP) ընկերության 100 տոկոսի սեփականատեր Aqualia ընկերության գործադիր տնօրեն Սանտյագո Լաֆուենտե Պերես Լուկասի հետ։ Զրույցի հիմնական թեման ապագա համագործակցության հեռանկարներն էին։

Թբիլիսիի քաղաքապետարանի տվյալներով՝ Կախա Կալաձեն ընդգծել է Georgian Water and Power ընկերության գործունեության կարևորությունը մայրաքաղաքի ենթակառուցվածքների զարգացման գործում։

«Մենք տարիներ շարունակ համագործակցում ենք և միասին բազմաթիվ նախագծեր ենք իրականացնում։ Ընդհանուր առմամբ, Թբիլիսին հին քաղաք է, և մենք որոշակի խնդիրներ ունենք ստորգետնյա հաղորդակցությունների առումով, բայց այն, ինչ մենք միասին արել ենք վերջին տարիներին, երբեք այսքան շատ չի արվել։ Մենք բավականին հավակնոտ ծրագրեր ունենք ենթակառուցվածքային նախագծերի առումով առաջիկա չորս տարիների ընթացքում: Մենք հույս ունենք ձեր աջակցությանը, որպեսզի կարողանանք միասին կազմակերպել տարբեր պողոտաներ և փողոցներ», – ասաց Կախա Կալաձեն։

Ներածական հանդիպումը տեղի է ունեցել «Ջրի ապագայի վերաբերյալ առաջին միջազգային ֆորումի» շրջանակներում։

Թբիլիսիի քաղաքապետի հետ հանդիպմանը մասնակցել են Aqualia-ի տարածաշրջանային տնօրեն Խոսե Էնրիկե Բոֆիլին, Aqualia-ի ֆինանսական տնօրեն Իսիդորո Մարբան Ֆերնանդեսը, GWP-ի գործադիր տնօրեն Խոսե Միգել Սանտոսը, ընկերության հաղորդակցության տնօրեն Էկա Բերիձեն և տեխնիկական տնօրեն Գիգա Նադիրաձեն։