Մայրաքաղաքի քաղաքապետ Կախա Կալաձեն Թբիլիսիի քաղաքապետարանի կառավարության նիստում ևս մեկ անգամ հիշեցրել է A կարգի տաքսիների թույլտվություն ունեցողներին, ակտիվացնել այն մինչև ապրիլի 1-ը, հակառակ դեպքում դրանք ինքնաբերաբար կչեղարկվեն

Նրա խոսքով, այն սեփականատերերը, ովքեր կցանկանան պահպանել նշված թույլտվությունները, թույլտվությունների ակտիվացման մասին տեղեկատվություն կստանան taxi.tbilisi.gov.ge կայքում, ինչպես նաև Թբիլիսիի քաղաքապետարանի թեժ գծով։

«Մեզ համար տաքսիների բարեփոխումը շատ կարեւոր է։ Այս ուղղությամբ մի քանի փուլ արդեն իրականացվել է։ Ա կատեգորիայի տաքսիների թույլտվություն ունեցողներին ևս մեկ անգամ հիշեցնում եմ, որ եթե դեռ չեք ակտիվացրել թույլտվությունը, խնդրում ենք ակտիվացնել այն մինչև ապրիլի 1-ը։ Անցյալ տարվա ապրիլի մեկից մենք այդ թույլտվությունները փոխանցել ենք տաքսիների սեփականատերերին, որով ակտիվացման համար նախատեսված էր մեկ տարի ժամկետ։ Նշված ժամկետն արդեն սպառվում է։ Այնպես որ շտապեք։ Հակառակ դեպքում թույլտվությունները կչեղարկվեն, և այն վերականգնելն անհնար կլինի։ Այս մասին մանրամասն տեղեկատվություն կարող եք ստանալ կայքում՝ taxi.tbilisi.gov.ge, ինչպես նաև Թբիլիսիի քաղաքապետարանի թեժ գծով»,- ասել է Թբիլիսիի քաղաքապետը։