Ինչպե՞ս կարող եք պատժամիջոցներ կիրառել այն մարդկանց նկատմամբ, ովքեր իրենց երկրում օրենք են ընդունում, և երկրի բնակչության մեծամասնությունը նրանց տվել է դա անելու իրավունք,- այսպես է պատասխանում Թբիլիսիի քաղաքապետ Կախա Կալաձեն՝ պատժամիջոցների ակնկալիքի վերաբերյալ հարցին։

«Ես ընդհանրապես որեւէ խնդիր չեմ տեսնում։ Ես էլ չեմ ակնկալում, որ որեւէ մեկի նկատմամբ սանկցիա կկիրառվի, որովհետեւ մենք ոչինչ չենք արել, որ պատժվենք։ Ինչպե՞ս կարող եք պատժամիջոցներ կիրառել այն մարդկանց նկատմամբ, ովքեր իրենց երկրում օրենք են ընդունում, իսկ երկրի բնակչության մեծամասնությունը դրա իրավունքը տվել է, օրինակ, պատգամավորներին և կառավարությանը, որն այսօր ներկայացված է որպես կառավարություն և ղեկավարում է երկիրը։ Ինչպե՞ս կարելի է այս ամենը պատժել, երբ քո երկրում օրենք ես ընդունում։ Դա ուղղակի անհավանական է: Ուստի վստահ եմ, որ պատժամիջոցներ չեն լինի։ Ընդհակառակը, մենք պետք է խորացնենք մեր հարաբերությունները, դրանք դարձնենք էլ ավելի բարեկամական, ամրապնդենք մեր գործընկերությունը և այս կեցվածքով շարունակենք շարժվել դեպի Եվրոպա և եվրոպական ապագա»,- ասել է Կախա Կալաձեն։