Վրաստանի և «Միլանի» լեգենդների հանդիպման մասնակիցները մամուլի ասուլիս են հրավիրել եւ խոսել այսօր՝ «Միխեիլ Մեսխիում» կայանալիք հանդիպման մասին։ Ասուլիսին ներկա էին Կախա Կալաձեն, Լևան Կոբիաշվիլին, Թեմուր Քեցբաիան, Կական, Կլարենս Զեեդորֆը և Իբրահիմ Բան։

Լևան Կոբիաշվիլի.«Կախա Կալաձեի օգնությամբ մենք կարողացանք և հյուրընկալում ենք այն ֆուտբոլիստներին, ովքեր տարիներ շարունակ հաճույք են պատճառում վրացի երկրպագուներին։ Կախիի շնորհիվ է, որ «Միլանը» այդքան երկրպագուներ ունի Վրաստանում, և շնորհակալություն նրանց՝ ժամանելու համար։ Հուսով եմ՝ երկրպագուները հաճույք կստանան խաղից»։

Կախա Կալաձե.«Շնորհակալ եմ իմ ընկերներին մեր գեղեցիկ երկիր և մայրաքաղաք գալու համար։ Ես ամենաերջանիկ մարդն եմ, որ հնարավորություն եմ ունեցել խաղալու այս լեգենդար թիմում, որտեղ մենք հաղթել ենք այն ամենը, ինչ կարելի էր հաղթել: Ես շատ ուրախ եմ, որ ընկերներս են եկել, կարծես նորից այն փոքրիկ Կալան լինեմ»:

Հիշեցնենք, որ Վրաստանի լեգենդների ու «Միլանի» հանդիպումը կանցկացվի այսօր՝ «Միխեիլ Մեսխիի» մարզադաշտում և կմեկնարկի ժամը 19:00-ին։ Վրաստանի Առաջին ալիքը կցուցադրի հանդիպման ուղիղ ռեպորտաժը։