Կախա Կալաձե. Երկրի ներսում և դրսում կան մարդկանց խմբեր, որոնք փորձում են երկրում պետական հեղաշրջում կազմակերպել, նրանց մոտ ոչինչ չի ստացվի
Միխեիլ Սաակաշվիլին իրականում հետաքրքիր չէ: Այս անձը պատիժ է կրում, նա մեղավոր է կոնկրետ գործերով,- այս մասին ասել է Թբիլիսիի քաղաքապետ Կախա Կալաձեն։
Կալաձեն մեկնաբանել է Վրաստանի նախկին նախագահ Միխեիլ Սաակաշվիլիի հայտարարությունը, ըստ որի՝ «իր տեղեկություններով՝ դիվերսիոն խումբ է ներխուժել Վրաստան, ինչի համար նա ցանկանում է թեժ գիծ ստեղծել «Քաղաքացիական պաշտպանության» համար։
«Ինչ վերաբերում է ընդհանրապես երկրում ապակայունացմանը, այս առնչությամբ Պետական անվտանգության ծառայությունը պարզաբանումներ է արել, որ երկրի ներսում և դրսում կան մարդկանց խմբեր, ովքեր ցանկություն ունեն երկրում պետական հեղաշրջում կազմակերպել, տապալել իշխանությունը բոլոր միջոցներով: Ոչ մեկի մոտ ոչինչ չի ստացվի, բոլոր նման գործողությունները պատժվելու են օրենքով։ Ամեն ինչ կարվի երկրում խաղաղություն պահպանելու և երկրի տնտեսական զարգացումը ապահովելու համար»,- ասել է Կալաձեն։