Խցանմանը պետք է հակազդել հասարակական տրանսպորտի զարգացմամբ, հասանելիությամբ, ենթակառուցվածքների ստեղծմամբ, որպեսզի հասարակական տրանսպորտով տեղաշարժն արագ և հարմարավետ լինի,- լրագրողներին ասել է Թբիլիսիի քաղաքապետ Կախա Կալաձեն։

Սխալ տրանսպորտային քաղաքականության վերաբերյալ ընդդիմության ներկայացուցիչների հայտարարություններին ի պատասխան՝ Կախա Կալաձեն նշել է, որ ընդդիմությունը չի պատկերացնում, թե ինչ պետք է անել այս ուղղությամբ քաղաքում։

«Ես շատ լավ հասկանում եմ, որ ընդդիմությունը ընդհանրապես չի հասկանում տրանսպորտային քաղաքականությունը եւ նրանք պատկերացում չունեն, թե ինչ պետք է անել այս ուղղությամբ քաղաքում։ Ինչ վերաբերում է խցանմանը, ապա պիկ ժամերին Թբիլիսիում ռեկորդային թվով ավտոմեքենաներ են գրանցվում։ Մինչև 2012 թվականը մայրաքաղաքում շրջում էր մոտ 180 հազար անձնական մեքենա, այժմ պիկ ժամերին 600 հազարից ավելի մասնավոր մեքենա կա, և պատկերացրեք, այս թիվն աճում է։ Մայրաքաղաքում տարեցտարի ավելանում է մասնավոր​​մեքենաների թիվը։ Դրանով ինչի՞ն հակադրենք։ Միայն մեկ բան՝ հասարակական տրանսպորտի զարգացում, հասարակական տրանսպորտի մատչելիություն և ենթակառուցվածքների ստեղծում, որպեսզի հասարակական տրանսպորտով, ավտոբուսով, միկրոավտոբուսով տեղաշարժը լինի արագ, հարմարավետ։ Մենք սրա համար ենք աշխատում, այնքան պողոտաներ ենք կառուցում, այնքան փողոցներ, համապատասխան գոտիներ են գծված ու սարքված, որ հասարակական տրանսպորտը կարողանա հարմարավետ շարժվել։ Մենք անում ենք այն ամենը, ինչ արել են մեծ ու զարգացած երկրները, որտեղ կային նույն խնդիրները, որոնք այսօր առկա են Վրաստանում»,- ասել է Կախա Կալաձեն։