Կախա Կալաձե. Որոշ ուժեր շանտաժով փորձում են փոխել Վրաստանի իշխանության դիրքորոշումը՝ երկրում խաղաղություն պահպանել
«Վրացական երազանքի» գլխավոր քարտուղար Կախա Կալաձեն արձագանքել է մի քանի արտասահմանյան լրատվամիջոցների կողմից հրապարակված «CS Victims» հոդվածին, որտեղ ասվում է, որ Բիձինա Իվանիշվիլին հաստատում է «Credit Suisse»-ի հետ դատական վեճում քաղաքական ճնշումը։
Կախա Կալաձեի խոսքով, այս հայտարարությունը ևս մեկ ապացույց է, որ Իվանիշվիլիին շանտաժի են ենթարկել դրամական միջոցների հետ կապված և դա շարունակվում է։
«Այս կապակցությամբ բազմաթիվ հայտարարություններ են արվել։ Սա ևս մեկ անգամ վկայում է այն մասին, որ Բիձինա Իվանիշվիլիին շանտաժի են ենթարկում դրամական միջոցների հետ կապված և դա շարունակվում է։ Անօրինական որոշումներ են կայացվում, և ամեն ինչ խոսում է այն մասին, որ Վրաստանի իշխանության դիրքորոշման մեջ՝ երկրում խաղաղություն և հանգստություն պահպանել, որոշ ուժեր շանտաժի միջոցով փորձում են ինչ-որ փոփոխություն մտցնել։ Մտածեք այդ մասին և կիմանաք, թե ում նկատի ունեմ։ Ով պահանջեց երկրում բացել երկրորդ ճակատը, ով կոչ արեց Վրաստանի իշխանությանը ներքաշվել պատերազմի մեջ և բացել երկրորդ ճակատը և այլն»,- ասել է Կախա Կալաձեն։