Շնորհավորում եմ բոլորին, շատ երջանիկ եմ, շատ ուրախ, որ կարողացանք հաղթել երկրորդ փուլում։ Մենք կարողացանք ոչ թե պարզապես, այլ արժանի հաղթանակ տանել,- ինքնակառավարման ընտրությունների երկրորդ փուլի «exit poll»-ի արդյունքները հրապարակվելու հետո համախոհներին դիմեց մայրաքաղաքի քաղաքապետի թեկնածու Կախա Կալաձեն։

Կախա Կալաձեն շնորհակալություն է հայտնել բոլոր համակիրներին և ասել, որ պատրաստ է անխոնջ աշխատանքով ծառայել քաղաքին։

«Շատ շնորհակալ եմ իմ աջակիցներից յուրաքանչյուրին, բոլոր այն մարդկանց, ովքեր մասնակցել են ընտրություններին, ճիշտ քայլ են արել, ճիշտ ընտրություն կատարել քաղաքի, վերակառուցման, զարգացման, խաղաղության ու կայունության առումով։ Թբիլիսիին այսօր ամենից շատ պետք է զարգացումը, վերակառուցումը, խաղաղությունն ու կայունությունը: Սա ձեր շնորհիվ է և շատ շնորհակալ եմ դրա համար։

Ընկերներ, իհարկե, իմ թիմով պատրաստ եմ 24-ժամյա ռեժիմով ծառայելու այս քաղաքին։ Ես պատրաստ եմ անխոնջ աշխատել այս քաղաքում ապրող յուրաքանչյուր մարդու համար՝ անկախ նրա քաղաքական հայացքներից։ Ես խոստացել էի, որ բոլորի քաղաքապետն եմ լինելու, բոլորի քաղաքապետն եմ եղել, ուստի պատրաստվում եմ հետագայում էլ շարունակել իմ գործունեությունը։ Իհարկե, մենք կսպասենք ԿԸՀ-ի վերջնական տվյալների հրապարակմանը, իհարկե, հարգում ենք բոլորին և հաջորդ օրվանից կսկսենք իրականացնել կոնկրետ նախագծեր։ Այն ենթակառուցվածքների, կանաչապատման, սոցիալական, առողջապահական ոլորտում է։ Սա այն ամբողջ գործն է, որն այս քաղաքին կենսականորեն անհրաժեշտ է։ Շնորհավորում եմ բոլորին հաղթանակի կապակցությամբ։ Շնորհակալ եմ այն ​​երիտասարդներին, ովքեր ներգրավված էին հենց առաջին իսկ օրվանից, սատարեցին Կախա Կալաձեին, աջակցեցին «Վրացական երազանքին» և մեր հաղթանակին»,- ասել է Կախա Կալաձեն։