Ուկրաինան ամենածանր վիճակում է։ Եթե ​​Սաակաշվիլին առաջնահերթություն է, ապա դա իրենց գործն է։ Սաակաշվիլին ազատ կարձակվի, երբ նա կրի պատիժը, ասել է մայրաքաղաքի քաղաքապետ Կախա Կալաձեն։

Կախա Կալաձեին խնդրել են գնահատել Ուկրաինայի նախագահի վարչակազմի խորհրդական Միխայիլ Պոդոլյակի հայտարարությունը, որտեղ նա նշել է. «Սաակաշվիլիի ճակատագիրը մեզ համար առաջնային է, Ուկրաինան շահագրգռված է, որ Սաակաշվիլին ազատ լինի»։

Կախա Կալաձեի խոսքով՝ Սաակաշվիլին պատիժ է կրում կոնկրետ հանցագործությունների համար։

«Յուրաքանչյուր երկիր ունի իր առաջնահերթությունը։ Ինձ համար դժվար կլինի մանրամասնել և որոշել, թե որն է Ուկրաինայի առաջնահերթությունը, սակայն առաջինը, ինչ ուզում եմ մաղթել այս երկրին, խաղաղությունն է։ Ես թշնամուն չեմ ցանկանում այն, ինչ կատարվում է Ուկրաինայում, դա մեծ փորձանք է։ Քանդված ենթակառուցվածքներ, բազմաթիվ զոհեր ինչպես խաղաղ բնակիչներից, այնպես էլ զինվորներից։ Դա ամենադժվար իրավիճակն է, ուստի Սաակաշվիլին իրենց համար առաջնահերթություն է, դա իրենց որոշումն է։ Ինչ վերաբերում է Սաակաշվիլիին, նա մեղավոր է, նա պատիժ է կրում կոնկրետ հանցագործության համար եւ, բնականաբար, ազատ կարձակվի, երբ կրի պատիժը»,- ասել է Կախա Կալաձեն։