Թբիլիսիի քաղաքապետ Կախա Կալաձեի խոսքով, վաղը՝ դեկտեմբերի 9-ին, ժամը 20:00-ին կվառվեն ամանորյա տոնածառը և կանցկացվի երկրի գլխավոր տոնածառի լույսերը վառելու արարողությունը:

Կալաձեի խոսքով՝ տոնածառը վառելուց հետո համերգ կանցկացվի։ Թբիլիսիի քաղաքապետը կոչ է անում քաղաքացիներին ներկա գտնվել միջոցառմանը։

«Ամանորի եւ Սուրբ Ծննդյան տոները տոն են, որին հատկապես սպասում են այս երկրում ապրող յուրաքանչյուր մարդ, երեխաները, բոլոր սերունդների մարդիկ, դա կարեւոր է բոլորի համար։ Տեղեկացնում եմ հանրությանը, որ վաղը՝ դեկտեմբերի 9-ին, երեկոյան ժամը ութին քաղաքը կլուսավորվի և կանցկացվի երկրի գլխավոր տոնածառի լուսավորության միջոցառումը։ Ուզում եմ հրավիրել բոլորին, ովքեր ցանկություն ունեն գալ և միասին մտածել ցանկությունների մասին, միասին մտածել խաղաղության մասին, որը կարևոր ուղղություններից է այսօրվա իրականության մեջ, այսօրվա պայմաններում, և մենք ցանկանում ենք բոլորին, ողջ աշխարհին մաղթել խաղաղություն և հանգստություն։

Տոնածառը վառելուց հետո տեղի կունենա համերգ։ Իմ խնդրանքը կլինի տաք հագնվել, քանի որ շատ ցուրտ է: Բերեք ձեր փոքրիկներին, երեխաներին, թոռներին ու եկեք, սպասում ենք ձեզ Ռուսթավելի պողոտայում։ Վաղը երեկոյան ժամը ութին քաղաքը կլուսավորվի, կվառվի երկրի գլխավոր տոնածառը։ Ամանորյա մաղթանքներն անփոփոխ են՝ բարություն, սեր, կյանք, համերաշխություն և, իհարկե, խաղաղություն»,- ասել է Կախա Կալաձեն։