Տաքսու վարորդները հարմար ժամանակ ունեին ընտրելու իրենց կատեգորիան և օգտվելու քաղաքապետարանի կողմից սահմանված արտոնությունից, այս մասին ասել է Թբիլիսիի քաղաքապետ Կախա Կալաձեն՝ կապված B կարգի տաքսու վարորդների բողոքի հետ, որը, վերաբերում է  A կատեգորիայի տաքսիների նման երթուղայինով երթեւեկելու իրավունքի շնորհմանը։

«Կանոնակարգերն արդեն սահմանվել են։ Շատ ժամանակ և հնարավորություն կար վարորդների համար՝ օգտվելու կատեգորիայից և տաքսու լիցենզիա ստանալու համար, որը կարևոր կլիներ իրենց և ընդհանրապես բիզնեսի համար: Մենք այս առնչությամբ մի շարք պարզաբանումներ ենք տվել։ Այնպես որ, նշված գործընթացը բացարձակապես թափանցիկ ու արդար է, ինչն, իհարկե, ողջունելի է։ Հետագայում մենք նախատեսել ենք որոշակի փոփոխություններ և նորամուծություններ մտցնել, որոնք, կարծում եմ, կարևոր կլինեն այս ոլորտում աշխատող մարդկանց և բիզնեսի ներկայացուցիչների համար»,- ասել է Կախա Կալաձեն։

Նշենք, որ ավտոբուսի գծով (երբ միացված են համապատասխան թարթող լույսերը) իրավունք ունեն տեղաշարժվելու հրշեջ, փրկարարական, շտապօգնության և պարեկային ոստիկանության մեքենաները։ Նաև դպրոցական ավտոբուսները և A կարգի տաքսիների միայն որոշակի հատվածը կարող են շարժվել ավտոբուսի գծով ուղևորներ վերցնելու և իջեցնելու պահին, եթե դրանք չեն խանգարում նույն գոտում շարժվող հասարակական տրանսպորտին։

Որպեսզի A կարգի սպիտակ տաքսին շարժվի ավտոբուսի գոտում, տրանսպորտային միջոցի տարիքը չպետք է գերազանցի տասը տարին։ Նշված փոփոխությունն ուժի մեջ է մտել 2023 թվականի հունիսի 1-ից, և նշված չափանիշներին համապատասխանող տաքսիների թիվը Թբիլիսիում 3500 է։