Թբիլիսիի քաղաքապետ, «Վրացական երազանք-Ժողովրդավարական Վրաստանի» գլխավոր քարտուղար Կախա Կալաձեն շնորհակալություն է հայտնում իշխող թիմի աջակիցներին և կուսակցության անդամներին։

Ինչպես հայտարարել է Կալաձեն ԿԸՀ-ի կողմից ընտրությունների նախնական տվյալների հրապարակումից հետո կայացած ճեպազրույցում, «Վրացական երազանք»-ի թիմն ամեն ինչ կանի երկրի ազգային շահերը պաշտպանելու համար։

«Օգտվելով առիթից ուզում եմ շնորհակալություն հայտնել բոլոր այն մարդկանց, ովքեր այսօր գրանցել են իրենց քաղաքացիության պարտքը։ Ես ուզում եմ հատուկ շնորհակալություն հայտնել մեր աջակիցներին։ Իսկապես շատ զգացմունքային օր է, քանի որ այս հաղթանակն առաջին հերթին պետք էր մեր երկրին ու նրա ապագային։ Իհարկե, մեր թիմն ամեն ինչ անելու է մեր երկրի, հայրենիքի, Վրաստանի ազգային շահերը պաշտպանելու համար; Այս երկրում ապրող յուրաքանչյուր մարդու շահը պետք է պաշտպանված լինի։ Իհարկե, ոչ մեկին հնարավորություն չի տրվի օգտագործել այս երկիրը սեփական շահերի համար։ Փառք մեր յուրաքանչյուր համակիրի, մեր կուսակցության անդամների, բոլոր այն մարդկանց, ովքեր այս ընթացքում բազմաթիվ վիրավորանքներ են ստացել, ենթարկվել են բռնությունների, բայց չեն կոտրվել ու կանգնել այնտեղ, որտեղ մեր հայրենիքն է պետք։ Շնորհավորում եմ ողջ Վրաստանին այս կարևոր հաղթանակի կապակցությամբ»,- ասել է Կախա Կալաձեն։