Կտրականապես անընդունելի է Ռուսաստանի ներխուժումը օտար երկրի տարածք և ռազմական գործողությունների իրականացումը, ինչը հակասում է բոլոր իրավական սկզբունքներին, – լրագրողներին ասել է մայրաքաղաքի քաղաքապետ Կախա Կալաձեն։

Հարցին, թե ով է սկսել պատերազմն Ուկրաինայում, Կախա Կալաձեն լրագրողներին ասել է. «Դուք չեք լսում իմ հայտարարությունները, չեք մասնակցում կառավարության նիստերին»:

Նրա խոսքով՝ ինքը ամեն օր հայտարարություններ է անում Ուկրաինային սատարելու համար, որոնց լիարժեք հասանելիություն ունեն լրատվամիջոցները։

«Ես մի շարք հայտարարություններ եմ արել Ուկրաինայի ներկայիս իրադարձությունների վերաբերյալ։ Կտրականապես անընդունելի է Ռուսաստանի ներխուժումը օտար երկրի տարածք և ռազմական գործողությունների իրականացումը, ինչը հակասում է բոլոր իրավական սկզբունքներին», – ասել է Կախա Կալաձեն։