Մետրոկայան «Ախմեթելի թատրոն»-ի երկրորդ մուտք-ելքի հարակից տարածքը մասնավոր սեփականություն է, սակայն քաղաքապետարանը հետ կվերցնի այն, հայտարարել է Թբիլիսիի քաղաքապետ Կախա Կալաձեն մայրաքաղաքի կառավարության նիստում։

Ինչպես նշել է Կալաձեն, նախագիծը նախատեսվում է իրականացնել Ասիական զարգացման բանկի հետ համագործակցությամբ։

«Մետրոպոլիտենում որոշակի խնդիրներ ունենք հատկապես պիկ ժամին։ Հատկապես այդպես է մետրոյի «Ախմեթելի թատրոն» կայարանի մուտքի մոտ, երբ մեծ թվով քաղաքացիներ հեռանում են, իսկ եղած մուտքը չի կարող նրանց տեղավորել։ Մետրոյի տեղափոխման, կայարանից ուղեւորներ վերցնելու տեսակետից խնդիր չկա։ Մուտքի մոտ այս անհարմարությունն ունենք, և մենք կզբաղվենք ու կշտկենք։ Կոմունիստների օրոք նախագծվել է երկրորդ մուտք-ելքը։ Այս ուղղությամբ մենք ակտիվ աշխատում ենք Ասիական զարգացման բանկի հետ և ցանկանում ենք իրականացնել այս նախագիծը։ Շրջակա տարածքը, որտեղ սա երկրորդ մուտք-ելքն է, օտարված է, այն մասնավոր սեփականություն է, սակայն ռազմավարական նշանակություն ունենալու պատճառով քաղաքապետարանը հետ կվերցնի այս տարածքը»,- ասել է Կախա Կալաձեն։