Երբ խոսքը գնում է ռազմավարական գործընկերության մասին, մեր երկրի բնակչությունն արժանի է նման հարցերի վերաբերյալ ավելի շատ տեղեկատվություն ունենալու, ասել է մայրաքաղաքի քաղաքապետ Կախա Կալաձեն՝ մեկնաբանելով Օթար Փարցխալաձեի նկատմամբ պատժամիջոցներ սահմանելու հարցը։

Նրա խոսքով, վրացական կողմը լրացուցիչ տեղեկություններ է խնդրում Վրաստանի նախկին գլխավոր դատախազի նկատմամբ ԱՄՆ Պետդեպարտամենտի կողմից սահմանված պատժամիջոցների վերաբերյալ։

«Սա առաջին դեպքն է, երբ Վրաստանի քաղաքացու նկատմամբ նման պատժամիջոցներ են կիրառվում։ Մենք հիշում ենք, թե ինչ եղավ դատավորների հետ, և նրանք վիզային սահմանափակումներ դրեցին։ Այն ժամանակ և հիմա մեր խնդրանքն է, որ ավելի շատ տեղեկատվություն տրամադրվի հանրությանը իրազեկելու համար: Երբ խոսքը գնում է ռազմավարական գործընկերության մասին, մեր երկրի բնակչությունն արժանի է նման հարցերի վերաբերյալ ավելի շատ տեղեկատվություն ունենալու»,- ասել է Թբիլիսիի քաղաքապետը։