Ադրբեջանի նախագահ Իլհամ Ալիևը տիկնոջ հետ ծաղկեպսակ է դրել Ադրբեջանի նախկին նախագահ Հեյդար Ալիևի հուշարձանին։ Նրան Ալիևի պուրակում դիմավորել է Թբիլիսիի քաղաքապետ Կախա Կալաձեն, ով նաև հարգանքի տուրք մատուցեց Ադրբեջանի ազգային առաջնորդի հիշատակին։

«Ադրբեջանը մեր ռազմավարական գործընկերն է։ Երկու երկրների միջև տարիներ շարունակ գոյություն ունեցող բարեկամական, սրտացավ հարաբերությունները շատ կարևոր են։ Նախագահ Ալիևի այցը Վրաստան կարևոր է՝ նույնիսկ հաշվի առնելով Մերձավոր Արևելքում ստեղծված դժվար իրավիճակը, ընթացող գործընթացները և ամբողջ աշխարհի առջև ծառացած մարտահրավերները։

Տարածաշրջանում և մեր երկրում խաղաղության պահպանումը հիմնարար նշանակություն ունի։ Իհարկե, մենք ողջունում ենք նման բարեկամական հարաբերությունները և ռազմավարական գործընկերությունը Ադրբեջանի և ադրբեջանական ժողովրդի հետ», – ասաց Կախա Կալաձեն։

Ադրբեջանի նախագահը պետական ​​այցով գտնվում է Վրաստանում։ Այցի շրջանակներում նա նաև ծաղկեպսակ է դրել Վրաստանի միասնության համար մարտնչող հերոսների հուշարձանին։