Ուզում եմ ևս մեկ անգամ շնորհավորել հանրությանը, ողջ Վրաստանին թեկնածուի կարգավիճակի համար, որի համար մենք պետք է պայքարեինք, բայց պայքարը միշտ արդյունք է տալիս»,- ասել է «Վրացական երազանք» կուսակցության գլխավոր քարտուղար, Թբիլիսիի քաղաքապետ  Կախա Կալաձեն։

«Վրաստանն իսկապես արժանի էր այդ կարգավիճակին։ Դա անարդար վերաբերմունք էր՝ նախկինում Ուկրաինային ու Մոլդովային, քանի որ բոլոր պարամետրերով և վիճակագրությամբ, եթե խոսք լիներ որևէ հաջողության մասին, Վրաստանը բոլոր բաղադրիչներով առաջադիմել էր այս երկրների համեմատ։ Ի վերջո, ամեն ինչ բացահայտվեց, և հանրությունը տեսավ, թե որն էր սրա հիմնական պատճառն ու նպատակը։ Մենք ի սկզբանե գիտեինք, թե ինչի համար են օգտագործելու այս անարդար որոշումը։ Մենք հիշում ենք հանրահավաքները, քարոզարշավը «ռուսական օրենքի» վերաբերյալ, այն ուղղված էր իշխանությունը փոխելուն, բայց ժողովուրդը շատ լավ վերլուծեց և տեսավ այդ ամենը»,- ասել է Կալաձեն «Իմեդի LIVE» հաղորդման մեջ։